Манай компанид жилд дунджаар 40 орчим ажилтан жирэмсний чөлөө авч, төдий тооны хөхүүл ээж нэмэгддэг. Тэгвэл хөхүүл ээжүүдийн ажиллах тав тухтай орчин нөхцөлийг хангах үүднээс “Хүүхэд хөхүүлэх, хуурайлах өрөө”-г тохижуулсан билээ.
Энэхүү өрөө нь хөхүүл болон жирэмсэн ээжүүд тухлан суух зориулалтын өрөө бөгөөд бусдаас ичихгүй, тухтай орчинд хүүхдээ хөхүүлэх, хөхөө саах боломжоор хангаж буй юм.
Уг өрөөг байгуулснаар эх хүүхдийн эрүүл мэндэд сайнаар нөлөөлөхөөс гадна нялх хүүхэдтэй ээжүүдийн ажлын бүтээмж нэмэгдэх давуу талтай юм.
