Бид усыг аль болох үр ашигтай зарцуулахыг эрмэлзэж ажилладаг. Усыг үр ашигтай зарцуулах, усны нөөцийг хэмнэх хөтөлбөрүүдийг шат дараатай хэрэгжүүлэх нь Кока-Кола компанийн байгаль орчинд ээлтэй тогтвортой үйлдвэрлэл явуулах зорилттой уялдаж хэрэгждэг юм. “М-Си-Эс Кока-Кола” компани Усны үр ашиггүй хэрэглээг бууруулах хөтөлбөрийг байгуулагдсан цагаас хэрэгжүүлж байна. 2022 оны байдлаар нэг литр бүтээгдэхүүн үйлдвэрлэхэд 2.2 литр ус зарцуулж буй нь сүүлийн 10 жилийн байдлаар 29 хувиар усны зарцуулалтыг бууруулсан үзүүлэлт юм. Усны зарцуулалтыг цаашид ч бууруулах бөгөөд 2025 онд 1.7 литр болгохоор зорин ажиллаж байна.

“М-Си-Эс Кока-Кола” компани усны эх үүсвэрийг хамгаалах зорилгын хүрээнд Мембран-биореактор хэмээх дэвшилтэт технологи бүхий “Хаягдал ус цэвэршүүлэх байгууламж”-ийг салбартаа анхдагч болж 2010 онд нэвтрүүлсэн. Тус байгууламж нь жилд дунджаар 180 000 тн ус цэвэршүүлж байна. Ундны уснаас бусад зориулалтаар ашиглах боломжтой, 99 хувийн цэвэршилттэй манай усанд загас хүртэл амьдрах боломжтой. Манай цэвэршүүлсэн ус нь MNS 4943 : 2015 Хүрээлэн буй орчинд нийлүүлэх цэвэрлэгдсэн бохир усны стандарт болон MNS 6734 : 2018 Дахин ашиглах цэвэрлэсэн ус, техникийн ерөнхий шаардлагыг бүрэн хангадаг.